Поддержать команду Зеркала
Беларусы на войне
  1. Путин объявил «пасхальное перемирие» на фронте
  2. Все продолжалось меньше 10 минут. Рассказываем о самом кровавом торнадо в мировой истории
  3. Вы красите яйца на Пасху? Объясняем, откуда взялась эта традиция, где яйца красят ржавыми гвоздями и чем писанка отличается от капанки
  4. В Купаловском уже пять лет мало кто хочет работать. Что придумали в этот раз
  5. Полезнее сахара и не накапливает радиацию? О свойствах меда ходят легенды, хотя на деле этого продукта лучше сторониться — объясняем
  6. В МВД Польши ответили, при каких условиях возможно открытие пунктов пропуска
  7. Переписали историю, а потом безвольно проиграли. Хоккейное «Динамо» закончило сезон в КХЛ
  8. Какой будет погода на следующей неделе? «Лето» закончится, придет похолодание
  9. Аналитики заявили, что Россия использует перемирие, чтобы дискредитировать Украину. Объясняем, почему


Прадстаўнікі беларускага палка Каліноўскага, які змагаецца ва Ўкраіне супраць расійскай агрэсіі, выпусцілі свой навагодні зварот да беларусаў, якія знаходзяцца ўнутры краіны і за яе межамі.

«Шаноўныя беларусы і беларускі. Усе тыя, хто разам з намі змагаецца супраць расійскай агрэсіі ва Украіне і ўсе, хто на выгнанні з нашай роднай Беларусі. Усе, каго лёс занёс у розныя куткі свету, і ўсе, хто працягвае жыць пад прыгнётам дыктатуры. Усе, хто ў поўнай меры адчувае яе катаванні, а таксама ўсе, хто да гэтага часу не заўважае гэтай самай дыктатуры ці робіць такі выгляд. Усе тыя, хто пакуль яшчэ яе падтрымлівае, усе, хто каля станка, пакуль што ў пагонах, усе, хто вучыць, лечыць, займаецца бізнэсам і спортам і працягвае займацца мастацтвам у гэты нялёгкі час.

Беларусы. Падыходзіць да заканчэння 2022 год. У гэтым годзе мы стварылі беларускі полк імя Кастуся Каліноўскага, які стаў побач з украінцамі ў вайне супраць расійскай агрэсіі і паставіў сабе мэту — вызваленне Беларусі праз вызваленне Украіны. Гэта быў год барацьбы, развіцця і сапраўдных выпрабаванняў. Мы ўдасканальвалі свае навыкі і выконвалі баявыя заданні у найгарачэйшых кропках фронту. Нас станавілася і становіцца ўсё больш і больш. На вялікі жаль, мы таксама страчваем нашых пабрацімаў, чые імёны назаўсёды застануцца ў нашай памяці і ў памяці ўсяго беларускага народу.

Наперадзе наш народ чакае яшчэ адзін год змагання. Год, у якім трэба выстаяць. Дзеля тых, хто загінуў. Хто зараз у турме і несправядліва пакутуе. Дзеля тых, кто рабіў гісторыю ўчора і робіць яе сёння. Бо мы — новая кагорта беларусаў, якія змагаюцца за сваю нацыю і за ганаровае імя нашчадкаў полацкіх дружыннікаў, рыцараў Вялікага княства Літоўскага, ваяроў Каліноўскага, начшадкаў БНР. Сэрцы ўсіх нашых людзей найбольш жадаюць перамогі над акупантамі і іх прыхвастнямі ў Беларусі, і мы зробім усё магчымае дзеля гэтага.

Беларускі полк імя Каліноўскага абяцае і далей стаяць на абароне Украіны, а таксама прыкласці максімум сілаў, каб мэта нашага народу здзейснілася і Беларусь стала свабоднай у новым годзе, а дзяржава была для народу, адпаведна заветам Кастуся Каліноўскага».